（系个F空间转过黎噶。。。）
琴日，有个女仔叫我帮佢介绍男朋友。以下系 对话：
MM：帮我介绍个男朋友啦。
ME：你之前果个呢？对你几好嘎，散佐咩？
MM：对我系好好，不过无钱，份工无前途！我同佢分佐啦。
ME：咁你想搵点样嘎？咩条件啊？
MM：唔使好靓仔，要人好，最重要系有钱！
ME：咁几钱先叫有钱？几钱符合你要求？
MM：肯定有车有楼啦，有公司，要宝马或者BENZ，
ME：哦，我识得好多，我地D车主基本上个个都开公司，而且我哋D车
唔差得过宝马同BENZ。
MM： 甘你唔介绍俾我识？？？
ME：介绍俾你啊？果D人要求好高， 要够靓要够高仲要有气质。我见到人
地D女朋友都系模特儿啊、 明星仔啊或者好有气质既OL甘喔。
MM：我自问都系靓女啊。
ME：但你企埋人地果个圈子呢？？？
MM：咁你即系踩我嗟？系咁啦，唔想同你讲！
。。。。。。
其 实唔系我想踩你，系你唔踩唔得。
我要踩你，都要你训系度嘎， 你企得高企得直嘅话，试问我又点起到脚呢？
呢个世界，好多女 人中意扮上菜，或者妄想自己系上菜。
一直叹稳唔到好条件既男 人。 关键系，你为佐得到你想要既你做左几多准备？你有几多资本？你遇上一个好男人，你凭乜野去获得对方赞赏？
你想稳找个身家一千万，你自己至少也该有一百万去衬翻人哋嘎。当然，我嘅
意思唔系指确切既钱，而系资本。
你既才华、学历、职业、品格、样貌身材、气质谈吐、知识阅历仲有你嘅家底!
唔好着重处女，但保持纯洁！等等都系做上菜既资本。 呢D，都要靠自己
有男人对你好既时候你，你挑三拣四，吊高黎卖。当你觉得你个男人无前途既 时候，
系咪都检讨下自己有无资本呢？
当你自己有资本既时候，更有资本既男人自然会搵上门，
使咩你自己搵得咁辛苦嗟。 记住，上菜通常都唔外卖嘎！
好似我呢个女性朋友咁，觉得自己系上菜，要金盘玉盏先配得起，
咁既话，只能慢慢等，等到变隔夜菜咯。
一个自身唔努力，旨意晒个男人嘅女人，就算几靓，都只能得到男人既欢心同钱，永远得唔到爱同尊重。
呢个社会无论男女，个个都好现实， 无人唔想过更好嘅生活，搵到条件更好嘅伴侣。
只不过男人无女人咁幸福。 男人知道，我要得到呢一切，必须要自己去努力搵钱去实现。
———————————————————————————-
同样道理,
好多男人都话要搵个样靓身材正,条件好嘅女人做老婆, 但系你又有几多斤两??
同紧自己女友时, 又嫌三嫌四!
嫌人波唔够大! 腿唔够修长! 样唔够靓! 学历唔够高!工资唔够多!
见到第个条件好嘅靓女果阵, 又朝三暮四, 搞暧昧关系!
多次约会靓女出来吃饭, 吃完就系兄弟面前嗮命 :
“琴日,我同佐XX靓女去左边度边度吃饭”
“上星期,我同佐XX靓女去左边度边度睇戏”
系兄弟面前,或者你会好有面子!
但系你咁做又有咩用?有咩用???你估佢地会同你过世咩???? 会同你挨？
咪傻拉!!!!!系度浪费时间,浪费金钱,浪费青春!
正一傻佬!多做D对你事业有帮助的事好过拉!
你凭咩去追果D条件好嘅靚女?而掉低你嘅正牌女朋友? 你有咩资本去追人哋?
你供得起人地每日一张S&K Ⅱ ? 你供得起人哋所有名牌衫?
男人啊! 男人! 对住面镜,打开银包睇下,自己有几多斤两,
无? 甘就脚踏实地,安守本分做人啦! 多D关心下你身边嘅佢,多D爱锡你身边嘅佢算罢啦!
其实拣伴侣同拣车一样!当我哋开住部小车系条路飞紧嘅时候,
不时咁有好多宝马、保时捷咁嘅靓车擦身而过,直至消失远去……
贪靓嘅我哋不时咁回望同幻想! 黯然回过神来,睇下自己果部小车,其实我部小车都唔错,
一直以嚟安稳、舒适咁车住我哋上山下海!不离不弃!直到永远!
好多嘢都系可遇不可求嘅!望下就好啦! 千其唔好为佐试着件晚装,而放弃佐件温暖牌,
晚装虽华丽 ，但最多只能着出嚟,系众人面前嗮一嗮命,过眼云烟,一迅即逝!
而且着起身会好大压力”因为佢太贵重” !!
温暖牌虽平凡 但只有温暖牌先可以俾倒舒服、柔软、温暖嘅感觉你,
系永远嘅,唔变嘅,无压力嘅!只因平凡先可以带俾你纯净舒服嘅感觉!!
END: 呢个故事话比我地知道“`做男人“`要做个靠得住噶男人“`><
